📖महत्वाची सूचना📖

आपल्या सर्वांना माहितीच आहे की आर्थिक वर्ष २०२४-२५ पासून नॉन कॉर्पोरेट एंटीटीज म्हणजेच प्रोप्रायटरशीप, भागीदारी संस्था इत्यादींच्या ऑडीटेड आर्थिक पत्रकांसाठी कॉर्पोरेट एंटीटी प्रमाणेच (कंपनी कायदा शेड्यूल ३)फॉरमॅट वापरणे बंधनकारक झाले आहे. आपण टॅलीमधील किंवा आपापल्या वेगवेगळ्या पद्धतीने आर्थिक पत्रके आतापर्यंत सादर करत होतो परंतु आता या नॉन कॉर्पोरेट संस्थांनादेखील ICAI च्या Guidence Note प्रमाणे दिलेल्या Vertical Format मधील आर्थिक पत्रके सादर करावी लागणार आहेत. ही गोष्ट आपले काम वाढवणारी व वेळ घालवणारी होऊ शकते.

टॅली किंवा आपल्या अकाउंटिंग सॉफ्टवेयरमधील ट्रायल बैलेंस वरून ICAI च्या Guidence Note प्रमाणे दिलेल्या Vertical Format मधील आर्थिक पत्रके तयार करण्यासाठी ब्लॅक हॉर्स या सॉफ्टवेयर कंपनीने एक एक्सेल टूल विकसित केले आहे ज्याने हे नवीन फॉरमॅट मध्ये आर्थिक पत्रके बनविण्याचे काम सुलभ होऊ शकते. हे टूल कॉर्पोरेट आणि नॉन कॉर्पोरेट अशा दोन्ही प्रकारच्या आर्थिक पत्रकांसाठी उपयुक्त आहे.

बुधवार दिनांक ११ जून २०२५ रोजी सायंकाळी ४ वाजता या सॉफ्टवेअरचा डेमो आपल्या सभासदांसाठी संस्थेतर्फे आयोजित करण्यात आला आहे. हा कार्यक्रम ऑनलाइन पद्धतीत घेण्यात येणार आहे.

तरी सभासदांनी मोठ्या संख्येने हा डेमो बघण्यासाठी उपस्थित रहावे. आपल्यासाठी हे सॉफ्टवेअर उपयुक्त वाटल्यास व आपण ते घेऊ इच्छित असल्यास सभासदांसाठी आकर्षक दरात ते उपलब्ध करून देण्यासाठी संस्थेतर्फे प्रयत्न करता येतील.

झूम लिंक कार्यक्रमाच्या आधी अर्धा तास ग्रुपवर देण्यात येईल

📖📖स्टडी मीट सूचना📖📖

कर सल्लागार असोसिएशन रत्नागिरी जिल्हा या आपल्या संस्थेतर्फे बुधवार दिनांक १४ मे २०२५ रोजी सायंकाळी ३.३० ते ६.३० या वेळेत ऑनलाईन स्टडी मीटचे आयोजन करण्यात येणार आहे. याची माहिती खालीलप्रमाणे:

तारीख व वेळ: बुधवार दिनांक १४ मे २०२५ सायंकाळी ३.३० ते ६.३०

विषय व वक्ते: 

 ⁠१. AY2025-26 साठी आयकर रिटर्न फॉर्ममध्ये झालेले बदल (ITR-1,2,3,4,5)- सीए मंदार गाडगीळ 

२. टीडीएस तरतुदींमधील बदल- सीए चिंतामणी काळे 

सदर कार्यक्रम वेबिनार स्वरुपात झूम प्लॅटफॉर्मवर घेण्यात येईल व झूम लिंक कार्यक्रमाच्या वेळेआधी अर्धा तास ग्रुपवर देण्यात येईल.

तरी सभासदांनी आपल्या स्टाफसह वेबिनारला मोठ्या संख्येने उपस्थित राहून कार्यक्रम यशस्वी करण्यास हातभार लावावा ही विनंती.

सेमिनारबाबत सूचना

कर सल्लागार असोसिएशन रत्नागिरी जिल्हा या आपल्या संस्थेतर्फे शुक्रवार दिनांक २५ एप्रिल २०२५ रोजी सायंकाळी ३.३० ते ५.३० या वेळेत चिपळूण येथे जीएसटी ऑडिट या विषयावर कार्यशाळा आयोजित करण्यात आली आहे. याची माहिती खालीलप्रमाणे:

तारीख व वेळ: शुक्रवार दिनांक २५ एप्रिल २०२५ रोजी सायंकाळी ३.३० ते ५.३०

ठिकाण: हॉटेल रिम्ज, मुंबई गोवा महामार्ग, चिपळूण 

विषय: How to prepare for GST Departmental Audit

वक्ते: सीए चैतन्य वैद्य 

ही कार्यशाळा सर्व सभासांसाठी निःशुल्क असेल. स्टाफ साठी प्रतिव्यक्ती रु. १०० शुल्क लागू होईल.

तरी जास्तीत जास्त सभासदांनी कार्यशाळेत उपस्थित राहून कार्यक्रम यशस्वी करण्यासाठी हातभार लावावा ही विनंती.

कृपया आपल्या तसेच आपल्या स्टाफच्या उपस्थितीबाबत ग्रुपवर कळवावे म्हणजे व्यवस्थेच्या दृष्टीने सोयीचे होईल.

टीप: या कार्यक्रमाचे ऑनलाइन प्रक्षेपण तसेच रिकॉर्डिंग करण्यात येणार नाही याची नोंद घ्यावी

कर सल्लागार असोसिएशन रत्नागिरी जिल्हा आणि रत्नागिरी ब्रांच ऑफ WIRC of ICAI यांच्या संयुक्त विद्यमाने जीएसटी एमनेस्टी स्किम व १६(४) संबंधातील रेक्टिफिकेशन या विषयावर अभ्यास सत्र आयोजित करण्यात आले आहे. याची माहिती खालीलप्रमाणे:

दिनांक व वेळ: सोमवार दिनांक १० मार्च  सायंकाळी ४.०० ते ६.००

ठिकाण: ज. शं. केळकर सेमिनार हॉल, गोगटे जोगळेकर कॉलेज 

वक्ते: ऍड. अभिजीत बेर्डे 

कर सल्लागार असोसिएशन रत्नागिरी जिल्हा या संस्थेच्या सर्व सभासदांसाठी हा कार्यक्रम निःशुल्क असेल. स्टाफ मेंबरसाठी व नॉन-मेंबर्स करिता प्रतिव्यक्ती रु. १०० शुल्क लागू होईल.

तरी सभासदांनी आपल्या स्टाफसह मोठ्या संख्येने कार्यक्रमासाठी उपस्थित राहून कार्यक्रम यशस्वी करण्यास हातभार लावावा.

कृपया आपल्या व आपल्या स्टाफ उपस्थितीबद्दल ग्रुपवर कळीत करावे.